人点解会心情唔好？仲有，点解要心情唔好？
我唔明白点解有D人会无喇喇甘就心情唔好...流行？
我明有阵时人会情绪低落，间中都会Emo Emo 一下...
不过，Emo 几下就够架喇，真系唔使成日都好似全世界唔了解你甘...
喂大佬...日子都系要过架，唔通你Emo 时会有钱执？抑或系Emo 时魅力会增加？
虽然系生活上我地点会遇上D唔开心既事，但点解仲要记住佢咧？
点解唔可以开开心心甘过？难道有人同你讲 “ 开心D，人都会死快D ” ?
开心又过一日，唔开心又过一日...点解唔选择开心甘过咧？
不如我举个例子呀 ~
你今日俾老细闹过黎，你好唔开心，成日面黑黑甘...
老细见到系咪仲过火滚先？我系老细实会 “ 铲 ” 多你一获喇...
甘点解你唔惗下，如果闹完你当乜事都无发生过，笑笑下再继续做野...
老细见到可能都会下下火架，我系老细都会过黎同你笑一笑喇...
再举个简单D既 ~
你试下面黑黑甘同人借10蚊，睇下人地苏你冇？可能俾人鞅多两脚添啊你...
你再试下笑笑地甘同人借10蚊，我敢讲果条友实会借俾你，再请你饮茶又点话...
所以话，一个人开心D，做任何事都会顺好多架...
唔开心盏自己摞黎衰啧，搞到自己甘痛苦为乜wor，系咪？ :)
仲有我发现样野既就系...
有阵时我唔明白，分左手点解唔可以做朋友？点解一定要搞到双方面佐佐？
其实好多问题原本就系甘简单，甘易解决，但好多人硬系要惗到好复杂先至安乐...？
而且唔肯接受同面对现实...
好多人都会讲：唔得咯，佢曾经hurt到我好伤咯，我点解仲要见个衰人啊？
（喂大佬 ~ 你敢讲净系得人hurt你啧，你冇份既...）
又或者甘讲：个贱人背住我搞三搞四，唔好俾我再见到佢，呢世都唔好！
（喂阿姐 ~ 不如插盲自己对眼，甘就真系唔使见喇...）
有D人会讲：我知我甘做大家都好辛苦，但我唔可以冇左佢...
（喂大佬 ~ 你都知道大家会好辛苦？我以为你唔知添...）
都会有人甘讲：我知我地已经分左手，但系睇到佢同XXX一齐，我真系接受唔到...
（喂阿姐 ~ 你都知道你地已经分左手？甘人家同边个关你咩事哦？）
经常听人讲：你真系甘狠心要分手唔俾机会我？好！我跪到你肯原谅我为止！
（喂大佬 ~ 人家都甘狠心咯，就算你跪到断啊都未必睬你喇...）
仲要系甘讲：你要分手系咪？好！我死俾你睇！
（喂阿姐 ~ 咪傻喇，你以为你甘做佢就真系会返黎你身边？可能人家当你系神经添啊...）
其实分左手，真系可以做到朋友，而系睇你肯不肯面对现实，肯不肯踏出果第一步...
就算旧情人对你几唔岩几唔着都好，个D都系好耐既事...
甘耐既事仲记住黎做咩咧？点解唔将D唔开心既事忘记左佢咧？
你话唔想再见到佢，甘你有无惗过，万一真系见到佢，你会点做？
你始终都系会有撞见佢既一日，倒不如面对现实，自动同人家say HI 好过喇...
起码可以证明俾人睇，你系够大方既...
有阵时人家都已经甘狠心咯，你再做几多野都系无用架...
最幼稚既就系玩自杀，自杀系世界上最愚蠢既事...
万一死左，真系冇人可怜你架，只会俾人讲你 “ 盎gui ” ！
分左手，彼此都有自己既生活喇，人家做乜野真系唔关你事...
我地点解仲要死缠烂打甘烦住人家啧？点解要搞到自己神憎鬼厌wor？
其实都已经行到分手呢个地步咯，我地可以做既就系勇敢甘接受...
呢个世界冇话无冇边个生存唔到既，唔通冇左佢地球会停止转动？
傻既咩，日子都系要过架系咪？
见到旧情人同XXX一齐，我地真系做唔到D咩野...
我地可以做既就系好老土甘祝福佢地，再同自己讲我可以揾到比佢更好...
正所谓 ~ 旧的唔去，新既唔黎呀嘛 :)
其实我写呢篇野，冇话系讲紧边个...
纯属系个人既睇法啧...
睇完你觉得唔认同我睇法既话，sorry...大家既channel 唔岩...哈哈~
但如果你系认同既话，多谢你既认同...
得闲饮茶 :D
（8月11日 04.24am ）
